كلمات أغنية صبح الصباح

صبح الصباح يا ليل و راحت عليك بدري
كل الخلايل بتورد و انا خلي لم ورد بدري
و الناس بتصحى تجيب ف سيرة الناس من بدري
ما تسيبوا الخلق للخالق دا هوا رب كريم
يا دنيا عيب اختشى طبعك رضي كده ليه
و بترفعى الندل و تنزلى الاصيل كده ليه
اللى بيمشى بضمير تبيعى و تشترى فيه
و انا اشتكيت لطوب الارض من حالك
و اخر ما هاغلب يا دنيا الدنيا اسيبهالك
و مش عايز اشوف حد عايش و انتي بتذليه
عايز اشوف الاصيل عالى و لا ندل يعلى عليه