كلمات أغنية سيبونا بقى في حالنا

ياللي شاغلين بالكم بيا هو انا بس شاغلكم في ايه؟

ماسكين سيرتي كل شوية ، عمال على بطال كدة ليه؟!

ناس كدابة ، وناس قلابة ، وناس بتحب الرغي عبادة!

ناس فاضيالنا ، وبتعطلنا!

معقول دول يتعاشروا قولولنا ناس بصاصة وناس تندب في عينها رصاصة وناس

ناس حسدونا ، لما لقونا واقفين على حيلنا بصولنا

حبة رحمة يا ناس وسيبونا سيبونا بقى في حالنا

ارحموني ، طب ارحموني ، ارحموني من عينيكوا ونزلوني

طب ارحموني ، يا ناس ارحموني ، ارحموني عايزين ليه توقعوني؟

يا مستنين وقعتي ، انا لسة اهو بصحتي ، شوفوا غيري واشمتوا فيه

على حيلي واقف انا ، عمري ما ضهري انحنى

عمري ما ضهري انحنى ، وبايدي جرحي اداويه

كلامهم كلامهم ولا هزني ولا حتى شغلني دة بيقويني

وعرفت اللي يعزني م اللي بيكرهني م اللي شاريني

وبيكوا من غيركم وغصبن عنكم اكيد رزقي هيجيني

انتوا في النازل ، وانا في الطالع ، واديني واقف على حيلي

يعني تقولوا تعيدوا دة كله انا ولا شايفه بعيني

يا مستنين وقعتي ، انا لسة اهو بصحتي ، شوفوا غيري واشمتوا فيه

على حيلي واقف انا ، عمري ما ضهري انحنى وبايدي جرحي اداويه

من تتر شارة مسلسل : زلزال – بطولة الممثل محمد رمضان