كلمات أغنية هتحبيني هتحبيني

في حاجة انا عايز اقولهالك
أنا بالي طويل خدي بالك
وعشان يعني أسهلهالك
انا مش متحرك من هنا لو موتيني

خدي وقتك واحسبي حساباتك
أنا قابلك على كل حالاتك
مش طالع أنا بره حياتك
مالآخر كده هتحبيني هتحبيني

أنا اكتر واحد هتقابليه في الدنيا إيجابي
مش بعرف أشوف غير نص الكوباية المليان
في حد يسيب الناس اللي بتعمل قلبان

هستنى عليكي شوية وعندي أكيد أسبابي
اللي تخليني اكيد مطمن مش قلقان
أنا قبلك روحت وجيت ياما
ياما قولت لناس ألف سلامة

وإنتي لوحدك سبتي علامة
من أول لحظة قابلتك وعرفتك فيها
ومحدش في الدنيا بعقله
بيسيب حلم بيتحققله

وانا قلبي ماهواش بيتهيأله
مش هيضيع فرصة زمان كان مستنيها
أنا اكتر واحد هتقابليه في الدنيا إيجابي
مش بعرف أشوف غير نص الكوباية المليان

في حد يسيب الناس اللي بتعمل قلبان
هستنى عليكي شوية وعندي أكيد أسبابي
اللي تخليني اكيد مطمن مش قلقان