كلمات أغنية بحبك

عشان الحب ده إحساس
ومش بزرار ندوس فـنحب
بحبك مش كلام وخلاص
دي لهفة وشوق ودقة قلب

كتير قولتيها بالنظرة وحسيتها
وكل مقابلة بينا بشوفها في عينيكي
ووسط كلامك اتقالت وعديتها
عشان ببساطة مش عارف أكون ليكي

كتير حيرتي قبلي قلوب ودوختي
شافوكي معايا قالوا يا حظي ويا بختي
أنا آسف بحبك بس زي أختي

مفيش للحب ده حسابات
ده إحساس بس بين اتنين
ولو زعلانة مني قيراط
هتزعلي ألف لو بعدين

بنزعل من الصراحة ساعات
لكن أوقات بتبقى الحل
مفيش جوايا ليكي حاجات
فـدلوقتي الخسارة أقل

كتير قولتيها بالنظرة وحسيتها
وكل مقابلة بينا بشوفها في عينيكي
ووسط كلامك اتقالت وعديتها
عشان ببساطة مش عارف أكون ليكي

شافوكي معايا قالوا يا حظي ويا بختي
يا ريت كان قلبي بادلك نفس إحساسك
أنا آسف بحبك بس زي أختي