كلمات أغنية بدر الافلاك

يا حظ عيني يوم تنظر وتلقيك
صدفة عمر يا ماحلا طاري ملقاك
ومن نظرتك كم قلت لك كيف أخليك
كن الضيا فيه ينادي في عيناك

بدري صباحي يوم إني ألاقيك
وتضوي نجوم الليل دايم بممشاك
وإن جيت أبوصف لك شعوري وأسميك
شوف البدر وسط الصحاري والأفلاك

من بحر شوقي في الشمالي وأنا أغليك
حتى شواطي دبي صارت تمناك
شوف المعاني في وصوفك ماتوفيك
توقف حبور الشعر في وصف معناك

يا في عمري ويا بعد قلب مغليك
دبي مثلي يا هنا العمر تهواك
انت بحنايا القلب وعروقي تسقيك
يا من سكنت القلب وكل من تمناك

نورت بعد أعوام والنور يكسيك
والليل يسهر لو جرى طيف ذكراك
العين تضحك لك وتالي تجاريك
والقلب ينبض بالغلا يوم يلقاك

فاضت بحور الشعر لأجلك تناديك
آمنت لين أسكنت قلبي يا مغلاك
يا زين عمري بكل عمري أنا أفديك
يا بعد عيني شكثر روحي تهواك