كلمات أغنية خد وقتي كله

خد وقتي كله
خد اهتمامي حتى أيامي مسروقه منه
معرفش أي كان يرضيه ناقص فضله
كنت بحبه سايبله قلبي مش مخاونه ومأمنله

ضاعت سنيني
مني ف هواه وف يوم وليله يجي يأذيني
لاكان عالبال ولا كنت حاسبها يبكي عيني
اشتري فيه واعمله خاطر وف النهايه مش شاريني

ليه يخون ليه ويبيع ليه
هو شاف أيه

سهرني الليل أكتب مواويل
وصحبني الويل
واندم عاليوم اللي جمعنا

من دفتر حسابك
كنت معايا بتنسي بيا اللي سابك
وجودي فتره مؤقته وخدني علاجك
علقتني بيك وفي الطريق خدعتني واتغير كلامك

أنا مش بعاتبك
أنا بس صعبان عليا وقتي اللي ضاع فحبك
الوهم هيألي إني راحتي كانت ف قربك
عطتني درس ف المعامله ذاكرته صح وهفضل شايلك