كلمات أغنية شرف الرجال

شرف الرجال مفهوش فصال
والعقل احسن من الجمال
والحق ملهوش ف الجدال
ولا يتلوى في طريق شمال

هقول حكاية حد عاش
وشاف حاجات مشوفتهاش
فيها اللى سيرته متتنساش
واللى ف طريقه تاه مجاش

حكالى ع اللى وعيه غاب
شرب وسهر واهو فاق وتاب
شاف عمر ضاع وسنين سراب

واللى طاع شيطانه
يوم ما يقوى ظلمه شاع
افترى ولناسه باع
فجأه واتبدل مكانه
واللى كانوا جمبه خانوا
ده الزمان دوار في شأنه
ده الزمان دوار في شأنه

نظرة عيون الناس تهون
ما دام لدينك راح تصون
وان خدت عهد اياك تخون
وفين يكون الحق كون

تلقى الغرور ع الناس يجور
كل البشر تشهدله زوور
والدنيا بردو عليه تدور

واللى علا داره
لاجل مايكون له ضمان
يحتمى فيه من الزمان
ياللى بتعلى ف حيطان
مسكنك ناس مش مكان
لو وقعت ف يوم تبان
وسطهم تبقى ف امان

معلومات الاغنية
كلمات السيد عبد الحميد
توزيع احمد سوليسيزر
الحان احمد السويسي