كلمات أغنية شهيد الناصرية

يا ناس يا عالم متت والوحشة سلبت راحتي

لو عندي خاطر من صدك اخذوني اشوف ولايتي

متروس كبري وفارغا تجيوبي

رجعوني ساعة لشارعي الحبوبي

جايب هوى من الناصرية للنجف خل يمر عليه

بالكبر صح اتغيرت حيل بس المشاعر هي هي

نفس المكان البي طحت ودوني

ولموا الكلام الطاح من عيوني

ماريد اموت ومتت كوه يا امي يا ام المروة

لو شفتي طير يحوم ع البيت

كولي بعلاة الصوت هوه

الولهان مايرجع بعد كولولها تشك صورتي

ماريد توكف موتتي عثرة بدروب محبوبتي

كولولها بكل ذكرى لا تتعلق

من كبري راح ادعيلها تتوفق

لو سيرت صدفة على بابي

خل تبجي وي امي بثوابي

منطيها كلمة نعيش فد بيت

كبل العرس طفوا شبابي

ماشفت شي من عمري ليش يخلص

حرموني من كعدة حسين رخيص

باقرب حلم دمعاتي ادزها

والكعدة وي ربعي شمعزها

خرزات سبحي الناصرية

بطلقاتهم طشروا خرزها