كلمات أغنية متشوق

متشوق

الله ياني على المحبوب متشوق
والقلب من كثر شوقه زايد اخلاجه

الصدر ضايق وفكري ماهب مروق
والكون ضايق علي وضاقت افجاجه

ماغير اهوجس واسج شوي وافوق
واقوم واجلس كأني امضيع حاجه

عليك يامن دعيت القلب متعوق

يامن على الغيد والترفات متفوق
ياشبه وضحا لها لرقاب منعاجه

ودك اسرني وتل افوادي وطوق
على المشاعر ياطب القلب وعلاجه

الطف بصب براه الهم وتذوق
لوعات بعدك وكثر الشوق وزعاجه

عود قبل يذبل الشريان ويدوق
بالوصل انعشه يامعشوقه وناجه