كلمات أغنية الغربه ومرارها

متغرب عن الحبايب
والاهل ورايا سايب
الغربه تمنها وحده
محروق والقلب دايب
انا تايهه وسط وجعي
مع حالي ف سكه بجري
ف اليوم 100 الف دمعه
و الرحله تمنها عمري

ياسويسي احكي الحكايه
فاكرين انها سهله
بس ياريت من البدايه
يكفي شعورك بطولك
ومفيش احباب يجولك
يكفي اهلك يعدو
ايام ومعاد وصولك

مركب عايم ف موجه
ومحمل فوق شباب
ما الورد ادانا شوكه
والعيشه بقت هباب
كان لازم اني اهاجر
ابعد عن الناس واسافر
عشت شعور اليتامه
احساس ده بجد كافر

ايام وايام فجوعك
وتقول الجاي احلا
ومصاحبه فيك دموعك
ف البرد وف الشوارع
ببكي ولا حد سامع
ما انا كنت ف حضن اهلي
دلوقتي انا ف المواجع

ده وحشني صوتك يا امي
واخواتي والدفا
وابويا يقولي سمي
بليل ساعه العشا
عايش علي كل زكري
نفسيتي مبقتش قادره
انا عامل مش شغلني
وانا بتعب كل فتره

حسدوني وبصو ليا
وقالولي ياعم بختك
ولا حسو اي اللي فيا
لما الغربه بتخدك
عن كولو بتنعزل
فيك روح وبتتقتل
مش وانت فوق سريرك
عايش دور البطل

اه صحيح العيشه صعبه
ولاكن الغربه اصعب
دي حقيقه ما هياش لعبه
مش ادها يبقي هتتعب
في الغربه مفيش زمايل
الكتف لوحده شايل
سايب اهلك وناسك
بقي فيه 100 الف عازل

وسط الضلمه وليلها
قبل اما تروح تنام
في وشوش حبايب تشوفها
وحشك بينهم كلام
بقي نفسك حضن منهم
مبقتش خلاص معاهم
بعنيك دايما شايفهم
وايديك لي مش طيلاهم