كلمات أغنية سانتا كلوز

صحي من الفجرية سانتا كلوز
ضرب الطعمية سانتا كلوز
غسل العربية سانتا كلوز
شطف الغزلان

رص الهدايا في الشنطة
ماضي عليهم بابا سانتا
ومسرح دقنه وكاوي الروب وكله تمام

طلع الدائري لقاه واقف
راح واخد المحور برضه واقف
يا ناس عدوني كده العيال هتنام

ساب العربية سانتا كلوز
خدها تمشية سانتا كلوز
طلعوله حرامية سانتا كلوز
قلبوا اللي معاه سانتا كلوز

قال يا بوليس الحقني
يا شاويش انجدني
يا ناس الحقوني راح مني الشوال

الناس اتلمت تتفرج
فاكرينه بلياتشو بيهرج
شاوروا على دقنه
وقالوا ده اكيد اخوان

خنقوه من زوره سانتا كلوز
قطعولو طرطوره سانتا كلوز
على راسه ادوله سانتا كلوز
اه يا عيني عليه سانتا كلوز

بص على يمينة لقى غزالته
في محل ابو مازن بسلامته
في السيخ محطوطة معمولة
شاورما غزال
م الصدمة شالوه على نقالة
شرفت يا حاج ابقى تعالى
ألفين سلامة ماتحسبش يا سانتا كلوز

قرصوا لظاليظو سانتا كلوز
عضعضوا بظابيظو سانتا كلوز
ضربوه على سانتا كلوز
سوري سانتا كلوز