كلمات أغنية اخباركوا ازيكوا

كلمات: احمد غريب
ألحان: نادر السيد

عاملين ايه طمنوني
ياللي انتوا بتكرهوني
ربنا يرزقني فرحة
تجيب أجلكوا تريحوني

طب أخبار صفاركوا
طب لسه قايدة ناركوا
ربنا يبعدني عنكوا
من أصغركوا لكبيركوا

أخباركوا ازيكوا
ياللي مفيش زيكوا
عزل من حيكوا

لا دا انتوا معجزة
فـ الغل وفالأذى
ربنا يجمع ما بينكوا
فـ عناية مركزة

أول ما أتعب شوية أيامكوا بتبقي عيد
أول ما بشد حيلي الغل قوام يزيد
ابليس ولع سيجارته بيسقف من بعيد
مبسوط ومزاجه عال
الشر اللي فـ قلوبكوا يزرعله كام قيراط
بتولعوا من نجاحي وبيوصلني الشياط
قايمين نايمين فـ سيرتي تخترعوا فـ حوارات
أما انتوا ولاد حلال

دي الناس اللي معاشرهم
ربنا يكفيني نارهم
أنا أصلي صحيتلهم

مش عارف مين باقيلي
كله بالخير داعيلي
أول ما الخير يجيلي
يفضحهم غلهم

فاكركوا تشرفوا
وطلعتوا تكسفوا
هتعيشوا زي ما انتوا
مش ناويين تنضفوا

طب ايه تاني اعمله
علشان تسترجلوا
مع ألف سلامة يلا
وفي داهية اتفضلوا

هتفضل ساكنة فيكوا النار
وصلتوا حتى للأسحار
ومستورة معايا عشان
معايا ربنا الستار

بسببي صاحبتوا كام دجال
وسبتوا الشغل والأشغال
بتتمنولي أي وقوع
وميقعش اللي عاشها حلال

نجاحي عاملكوا ازعاج
يا ساتر شوفوا ليكوا علاج
كل ما تحسدوني بزيد
تريند واسمي فـ الهاشتاج

عنيكوا شاطرة فـ التركيز
وهتموتوا خلاص مالغيظ
عشان عايشين على الأحلام
وأنا عايش على التنفيذ